Другое покаянное воздыхание пред Богом узника

Долготерпеливе и многомилостиве Господи! Припадаю к Тебе, аз сый узник, моляся тепле; якоже сильный Самсон позна свое бессилие, егда бе под стражею, и обратися к Тебе, всесильному Богу, окованный путы железными; якоже нечестивый Манассия в пленении и темнице взыска Тебе, истинного Бога; якоже пленнии иудее паче на земли чуждей уразумеша Тебе, Бога отец своих; якоже блудный сын воспомяну отца своего, егда, отшед на страну далече, нача изгибати гладом, тако и аз отныне токмо познаю Тебе и прилежнее молю. Отчужден есмь аз ныне общения с человеки, но Ты еси взыскуяй отчужденных. Несть со мною зде ни отец, ни мать, ни брат, ни един от другов моих, да помогут ми; не услышит отсюда моего вопля никтоже от них, но Ты близ еси всем скорбящим и призывающим Тя во истине. О Милосердый Боже! Аще аз и паче числа песка морскаго согреших пред Тобою, аще и несмь достоин воззрети на высоту небесную от множества грехов моих, но Ты, непамятозлобив сый, приими мя кающагося. Тебе единому согреших, но и Тебе единому каюся. Всемилостиве Господи! Прежде даже до конца не погибну, спаси мя.

Добавить комментарий

Ваш e-mail не будет опубликован. Обязательные поля помечены *